سلام و سال نوتان بومارک
ئیمسالتان خووتر ئه ژ هرچێ سا ڵه کێ چی
یک شعر نونیمایی رو تقدیمتان میکنم با توضیح بعضی از اصطلاحات
امیدوارم که بخوانید و ما رو از نظرتان بی بهره نگذارید.
شعر در رمل سروده شده است.
و ذکر توضیحی کوتاه برای دوستانی که با این رسم الخط کمی غریبی میکنند.
حروف ها ، واو و یا ، علاوه بر وظایف اصلی خود در اینجا به جای حرکت نیز کاربرد پیدا می کنند
حرف "ه" به جای _َ ، حرف " ێ" به جای –ِ و حرف "و" به جای _ُ می باشد.
سپاسگزارم
چه نێ ئاسانه خه نه
وه چ دامه سه سه ر شان خوه شیا
ته ل و پووم پێچیه سه گیس خوه را
قوڕ قوڕ ئه تولێ زه رینه مه قوڕنمور
شانه شانم فره داره ل نازار
فره داره ل شیرین
ده س نگام پڕ وه هره نگ
چم گره دامه سه باڵه ل په پوا
وه ڕیه ل سه وز،
گوڵه ل باخی و کێنیه ل گوڵه ده م.
دڵ ئه باوش هه له هه ل نازێ هه لوورکی ها خواو...1
خواو دوروو نه وی ئه سگه
خواو کولیره ده س دام...2
خواوێ گه رمی کورسی،
خواو تکه تیره وه ڕووژه ل واران
جیڕه جیڕ ته خته چوو ئه ژێر نگا بارگلان . . .
ئای گروه که س نیم
که س ئه سه ر کوچه تومارزوو نمه مرد3
گومه لێ تۆ ئه ر بی هن کول بی.4
دس و دڵ ئایلێ ئه ڕا ده ورێ دو چرخه نه ڕکی
هوچ کس ته نیا نه وی . . .
.................................
راسی لانه تو مه لوچکێ خا کرد؟5
د ڵته ڕا گروه هه ڕاسگانی که تن ته نگ نه ویه؟
یه دو پنجا وه دسم بیمه دو گون،6
خوو. . . ؟
هه ل بای . . . . . . ؟
داخ ...! ئێ ڕاسه بگر خواوێ بی . . .
کاشگای ئێ خواوه ،
وه ده رێ ماڵێ سوا ناوردام . . .
خواو ئه کول ڕووژێ خوه شیمه که ته کوو ؟
که ته ئاسیاو پۆنه کوو . . .7
. . . . . . . . . . . . . . . . . .
ئای باوه . . . !
هرچێ ڕێ کردمه ئێ بووره زه مینه8
کوت کوت ئه دڵ مه نه جا
ته ل ته ل ئه دارێ خیاڵم شکیا
به ن به ن ئه ریشه ئومیدم بڕیا
وه ڵگ وه ڵگم که ته خاک
سه وز، زه رده ل ، سوره ل . . .
نه ئه ڕا سوز به هانێ ، نه ئه ڕا زه رد خوه شم بی،
نه وه سوزه ل دڵخوه ش.
ئای باوه . . .!
سه د گل ئه تاق سه را
وه هه ڕاسگانی زنه یما که تمه.
دڵ که س ئه بێ ده نگیێ گروه ئێ کو ڕته ته نگ نوی
ده س که سێ زه خمێ زرانیم نه شوست
وێ هه لان ئومره هه ر ئایلی خوو بی،
ویره ئیلا شو و ڕووژم پشما،
ڕووژ و شو بێ قوو بی.
...........
ئیره دی وه که تنه ل یه ک مه خه نن
وه خودا !
وێ زنه ی بوو دڕ ئه مشته کی خوه شاڵن مردم،
قور قوره ممرم
بگر ئزرایل ئه در ماڵه مێ کووڵا داسه ور
ده س ئه دونیا مه گرم
سات ساته ممرم.
ئای دا . . . !
گوسنه مه ، ڕیو زردمه مایه گووشت؟
هرچێ وێ خوانچه چنیمور دوروو دیم و به تر گوسنه م کرد . . .
هرچێ وێ باخه جه ما دام ، تامارزوتر بیم.
هرچێ خه فتم خواو ئه چم نه یم ئه سه ر ئی سرده جا
وه خودا . . . وه بوو کولیره سه ر ساج !
هۆچه ئه دڵخوه شیه لمه نه مه نا . . .
چیم و ته نیاتر ئه ته نیای
چیم و دلتنگ تر ئه مردن ژاره ل
وه خه م و ژاری و ڕویتی،
هه م ئه داخا هه م چیم . . .
. . . . . . . . . . . . ... . . .
وی زنه ی پیسه کێ کس،
وه کس دیار نیه
کس ئه درد دڵێ هامساکه خه وه ردار نیه . . .
هه ر ئه ڕاسی ته نیام
هه ر ئه ڕاسی تنگمه
هه ر ئه ڕاسی شکیامه
ئی نگا چووڵمه چک چک چکیاسه وه ر پام
کس نمونێ مه چم و که س نمه زانێ که چه دیم
نمه زانێ که چه بیم.
مه چم ئه ڤیر و کس ئه ویر نمارێ کی بیم . . .
1_ هه لوورکی: گاهواره
2_کولیره:نان ساجی کوچک که برای بچه ها پخته می شد
3_تومارزو: حسرت . به نقل از دوستمان آقای بیژن جهانبخشی در اصل مرکب از دو جزء طعام و آرزو می باشد یعنی کسی که آرزو و حسرت غذایی را داشته باشد.
4_تۆ : توت خشک که قبلاُ به جای تنقلات امروزی خورده می شد.
5_ بچگی هرکسی برای خود لانه گنجشکی را نشانه گذاری می کرد و مراقب بود که کی گنجشکش تخم می گذارد و کی به بچه تبدیل می شود.
6_ در بازی هه لان یا الک دو لک فارسی هر کس صد امتیاز می آورد یعنی دو پنجاه، بهش دو گون گفته می شد.
7_ ئاسیاو پۆنه کوو : اسم آسیابی بود که اطرافش پر از گلهای پونه بود. هر گاه چیزی را گم می کردم و دیگر پیدا نمی شد و یا نمی باید پیدا شود میگفتم فلان چیز "که ته کوو؟" (کجا افتاد؟) ، مادرم با لبخندی پر معنی می گفت: " که ته ئاسیاو پۆنه کوو" . یعنی به آرد تبدیل شد و دیگر هرگز آن را نخواهی یافت.
8_ بوور : قهوه ای . بووره زمین : زمینی که در آن کشاورزی صورت نمی گیرد.
